O sábado 2 de xullo, ás 20 horas, o grupo de títeres «Mircromina» actuará na Praza da Mercé de Verín coa súa comedia «Vacacións no mar», espectáculo familiar gratuíto de monicreques de luva de 45 minutos de duración.

«Vacacións no Mar» é un espectáculo de monicreques de luva, no que se conxuga o tradicional estilo da cachiporra, tan eficaz dramaticamente, cuns caracteres e aconteceres renovados para o público de hoxe en día.

Desta forma, cun sinxelo e eficaz guión, uns personaxes de marcado carácter e un ritmo trepidante, Mircromina fai a súa contribución á renovación deste xénero dramático e ao goce de todos os públicos.

  espectáculo, Verín