Este sábado 28 de maio, ás 19:30 h, no Museo da Limia de Vilar de Santos, proxección do documental «Patrimonio Habitado».

O citado proxecto audiovisual mergúllase nun percorrido polo patrimonio inmaterial da Baixa Limia con especial atención aos elementos aínda vivos do patrimonio colectivo desa comarca ourensá. Nel participan veciños dos concellos de Entrimo, Lobios, Bande, Lobeira, Muíños e Calvos de Randín. A peza ten a realización da produtora Illa Bufarda coa co-produción da UTE MaOs Innovación Social-Feitoría Verde. Esta proxección enmárcase nos actos de conmemoración do 20º aniversario do Museo Etnográfico da Limia no seu actual emprazamento, a antiga casa reitoral de Vilar de Santos.»

  documental, Museo da Limia