Domingo 13 decembro | 12 h | Todos os públicos
O CACHOPO MÁXICO, de Lila Teatro.
Nunha pequena porción de terra enriba dun monte que non se atopa en ningún mapa por ser demasiado pequeno, pódese divisar unha casiña humilde e fermosa. Alí vive unha familia moi singular ao tempo que bastante plural. É a familia Palpatore, son extraordinarios e teñen aspectos moi diferentes entre si. Tamén, coma todas as familias, gardan grandes segredos. Ao achegarse o Nadal, a familia Palpatore comeza a ferver. Toca traballar sen descanso durante todo un mes e non están afeitos a tanta velocidade. É unha alegre interpretación do Nadal dende a perspectiva dos costumes galegos máis antigos.