Sarabela Teatro presenta “O secuestro da bibliotecaria” o 1 de outubro na Casa da Cultura da Valenzá, con dirección e dramaturxia de Fina Calleja baseada no conto de Margaret Mahy. A obra está dirixida a público a partir de 6 anos. A entrada é gratuíta, previa recollida da invitación na Casa da Cultura e ata completar aforo.

Sinopse

O Consello Municipal está reunido para determinar se o pago do rescate da bibliotecaria municipal debería figurar como gasto de persoal ou como un gasto do fondo de Cultura… Un brote de varíola entre a banda de secuestradores complica aínda máis as cousas: poucas persoas quedan ben con grans na cara, pero para uns ladróns resulta desastroso. O enxeño e o corazón da bibliotecaria raptada fará virar os acontecementos, traendo novidades importantes para a Biblioteca Municipal e para as vidas dos terribles secuestradores.

  teatro